الضحك للركب

استعرض الموضوع السابق استعرض الموضوع التالي اذهب الى الأسفل

الضحك للركب

مُساهمة من طرف عكروته في الخميس أبريل 10 2008, 16:59

جبت لكم اليوم نكت حلوه وببدأ
غبي حب يعاكس واحدة لابسة جزمة بيضة فقال لها نهارنا زي الجزمة.

مرة واحد صعيدى راح مصرعلشان يشتغل فبعد ما اشتغل بعت لأهله دستة جاتوه فبعتوله الرد..."هريدى أهلك وناسك عيسلموا عليك نفر نفر ويجولولك الصابون اللى بعته بيوسخ الهدوم".

واحد صعيدي رجع من السفر بعد غيبة بيسأل عن ابنه الصغير قالوله ان القطر داسه قال لهم تااااااني

مرة واحد امريكي وواحد اسباني وواحد صعيدي اتفقوا مين بجيب اكبر تمساح راح الامريكي جاب واحد كبير وراح الاسباني جاب واحد اكبر وراح الصعيدي و ما رجعش راحوا يدوروا عليه لقوه شايل تمساح صغير و بيغني له بابا فين ؟؟

صعيدى أخذ شهادة دكتوراه فقال لزوجته والله ماخبرشى ليه الناس بيضحكوا على الصعايدة أدينى جبت الدكتوراه. فقالت له زوجته: دق على الخشب عشان العين. فدق على الخشب. فقالت الزوجه مين على الباب؟ فقال الزوج: خليكي انا حاشوف مين



مرة فيه واحد صعيدي مات أبوه فلما سألوه عن السبب قال لهم جلطة في المخ . قالوا لا حول و لا قوة الا بالله و المخ ده جاله منين

اثنان صعايدة يلعبان الشطرنج فقال الأول : قتلتلك الحصان فأستأذنه الثاني بضع دقائق و عندما عاد اليه قال :سممتلك البهايم

مرة صعيدي قال لأبوه: عايز آخذ نوكيا قال له:على جثتى حتاخد بنت عمك

صعيدي اول مرة يشوف فلبيني قال يا بخته دا شبعان نوم

اتنين صعايدة بيلعبوا شطرنج الملك مات مشلول

عشرة صعايدة بيتعلموا ربط الكرافتات تسعة ماتوا وواحد فى حالة حرجة

مرة صعيدي طلعله عفريت علاء الدين وقال له شبيك لبيك خدامك بين ايديك قال له عايز كوبري من الصعيد الى نيويورك قال له مستحيل شوف طلب غيره قاله طيب خلي الصعايدة يفهموا فكر شويه وقال له عايز الكوبري اتجاه واحد ولا اتجاهين ؟

مره واحد صعيدى سافر مصر إتسرقت المحفظه بتاعته بلغ عنها فقال له الظابط حاضر حجيبهالك من تحت الأرض طلع الصعيدى بره لقى الناس بتحفر لخط المترو فقال لهم الهمه يارجاله هى سوده وفيها سوسته

غبي و امريكى و يابانى عرضوهم على جهاز كشف الكذب اليابانى: إحنا بنفكر نعمل انسان آلى و نستغنى عن البشر ، راح الجهاز ضربه..الامريكى: احنا بنفكر نطلع المريخ و نعمل مستوطنات عليه، راح الجهاز ضربه..الغبي: إحنا (بنفكر) ولسه مكملش ،،،،،،،،،،راح الجهاز ضربه!!

غبي ركب سيارة مرسيدس حديثه فتح الراديو لقي المذيعه بتقول هنا لندن راح قايل: يلعن ابو السرعة

بلديتنا شاف فى الجرايد حادثه واحد فى امريكا قتل مراته ودفنها تحت السرير والبوليس الأمريكى لم يكتشف ذلك الا بعد 25 سنه قام قال لنفسه يبقى انا لو عملت كده البوليس عندنا مش حيكتشف ابداً راح فعلاً قاتل مراته وحفر تحت السرير وحطها مفيش ربع ساعه والبوليس قبض عليه فتعجب قوى وسأل الظابط انتم ازاى كشفتم الجريمه بسرعه قوى كده ده فى امريكا ماكتشفوهاش الا بعد 25 سنه رد عليه الظابط اصل فى امريكا الراجل كان ساكن فى الدور الأرضى وأنت ساكن فى الدور الخامس

مرة أغبياء قعدوا يغسلوا الحيطان بالمياه لحد ما واحد مسكت فيه الكهرباء.قعد أصحابه يشدوه و يضربوه علشان يبعد عن الحيطة ما عرفوش. لحد ما ودوه المستشفى و لكنه مات. ......تقرير الطبيب الشرعي: سبب الوفاة ضرب أفضى إلى موت

غبي دخل بار، فجلس بجوار جيمس بوند، فقال له: عايزين نتعرف، اسمك الكريم إيه؟ قال له: (بوند, جيمس بوند)..أند يو؟ رد عليه بلدياتنا و قال له: (دان, حمدان)

مرة غبي دخل مطعم بيتزا الرجل جابلة البيتزا قاله تحب نقطعها علي 8 قطع ولا 16 قطعة.. قاله لا 8 قطع علشان ما اقدرش اكل ال 16

مرة غبي وقع فى حفرة نزلولوا حبل ‏طلع مخنوق

مرة غبي عرف ان الجلد موضة مشى ‏عريان

مرة اثنين أغبياء في الجيش فالصول بيسأل ‏الاول:ايه ده؟؛ قال له:البندجيه يافندم، قال له:بندجية ايه ياهريدي ‏دي وطنك دي امك، فراح للعسكري ‏التاني قال له:ايه دي؟، قال له:دي ام هريدي ‏يا فندم.

كان فيه خمسة صعايدة سموا نفسهم الشجعان التلاتة

غبي رجع بيته لقى مراته فى السرير مع أثنين .. صرخ وهاج مراتى بتخونى ... بسرعة رد عليه شاب منهم احنا الكاميرا الخفية لو مش عايز تذيع قول ما تذيعشى ... رد الغبي :لأ ذيع خللى الناس تنبسط

10 صعايدة بيلعبوا على الطريق الصحراوى واللي تخبطه العربية مرتين يطلع برة اللعبة

غبي فتح محل انابيب غاز .. فجّر اسطوانتين فى وسط البلد .. دعاية

غبي ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها

مره غبي دخل حمام افرنجي اخد معاه مترجم

جماعة أغبياء يعملوه مزرعة فراخ مرة زرعوا الفراخ بمنقارها الفراخ ماتت المرة التانية زرعوها برجليها الفراخ برضه ماتت قاموا بعتوا لقريبهم العالم فى بلاد برة فقالهم: ابعتولي عينة من التربه احللها!!!

غبي بيلف علي اكشاك السجاير يقول للبياع بتعرف تتكلم انجليزي يقوله البياع لا.. يروح لغيره ويكون نفس السؤال ونفس الاجابة لغاية اما وصل للكشك الاخير قاله بتعرف تتكلم انجليزي قاله ايوا قاله كويس قوي اديني علبة مارلبورو

رساله وصلة لصعيدي مكتوب فيها : مراتك خلفت والجاموسة خلفت ...احضر فورا للتعرف على المولود
avatar
عكروته
الجــامدين اخر حاجة
الجــامدين اخر حاجة

عدد الرسائل : 77
تاريخ التسجيل : 05/04/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى